Kumin Inthlanpui lo awm tur a tana inpuahchahna kal zel ah Lunglei District huam chhunga Assembly Constituency Pasarih a Vote thlak ni a duty tur Polling Party te chuan vawiin khan Vote thlak na tur bungraw kimchang nen Saikuti Hall kawt atangin an duty na tur hmun an pan.

Lunglei District chhunga Assembly constituency 7 awmah hian polling Station 185 a awm a, nimin khan Lunglei District a Polling Station hla zuala Election buaipui tu tur Polling Party 19 te chu an duty na hmun tur pan in an chhuak. Election duty tura chhuakte hi Saikuti Hall atanga chhuakin inthlan buipui nana mamawh hrang hrang te an keng nghal a. Vawiin a Polling Party chhuak te hi 166 an ni . Lunglei District chhungah hian venhimna uluk ngai zual Critical Polling Station 7 awmin,Thehlep, Sachan,Undermanik,Kalapani,Belpei,Silgur leh Ukdasuri te an ni a. Heng Polling Station ah te hian ECI in a phut angin Polling Party ah Videographer leh Central Armed Police Forces (CAPF) te an duty tel a ni.

Lunglei District a hmeichhia chauh duty na tur Pink Polling Station hmun 7 ah dah ani, chungte chu 29-South Tuipui (ST)- Hnahthial IV (Govt.High School Room No II Hnahthial), 30-Lunglei North(ST)- Serkawn I, (Govt. Middle School Serkawn), 31-Lunglei East(ST) – Electric Veng I, (JNM Middle School 'W' Wing Electric Veng), 32-Lunglei West(ST) – Venglai II (Middle School 'S' Wing Venglai), 33- Lunglei South(ST) – Lunglawn I (Primary School 'S' Block Lunglawn), 34- Thorang(ST) – Lungsen II (Comprehensive Middle School 'W' Wing Lungsen) leh 35- West Tuipui(ST) – Tlabung I (Govt Middle School Tlabung).

Polling party Officials te hian Vote thlak ni a an mamawh tur bungrua chi hrang hrang EVM,VVPAT, Voting Compartment Daidanna tur lehkha khawng, Brite plastic Bucket bakah Stationery thil chi hrang hrang an keng a. Polling Party te thlah liamna hun hi Lunglei DEO Dr Ankita Chakravarty, IAS  leh Observer ten an vil a ni.