No.3289/2021-2022

Aizawl the 6th, December' 2021: Lunglei District chhunga Covid-19 hri danna la thei chin ten an lak kim vek (100% Covid-19 vaccination) theih dan tur sawihovin vawiin chhun khan Lunglei Bawrhsap Pu Kulothungan A, IAS kaihhruaiin a office chamber-ah meeting neih a ni. 

Pu Kulothungan A chuan Lunglei District chhung ah Covid 19 hri danna 100% lak dan tur chungchang ngaihtuah tura lokal te hnenah lawmthu a sawi a.Lunglei District chhunga Covid 19 hri danna Electoral Roll a mihring awm atang a chhutin 93.2% pek an ni a. Covid 19 hri laka kan him theih na ber chu dose puma hri danna lak ani a ti. Lunglei District hi Covid 19 hri danna lak ah kan la hniam hle a 100% kan tlin theih nan thawhhona tha tak kan neih a ngaih thu sawiin Lunglei District ah khaw 168 awm in khaw 54 te hi inkalpawh a harsa a, a bik takin Bangladesh ram ri hrula awm te an ni a. Heng ramri hrula awm te hri danna a tam thei ang ber an lak theih nan Medical Team te Lawng emaw Motor emaw a lo pui turin BSF te a ngen a ni . Lunglei khawpui chhungah leh Lunglei khawpawn khua ah pawh hri danna a tam thei ang ber lak anih theih nan YMA leh kohhran hrang hrang te hmalak pui ah a sawm bawk a ni.

Dr. Lalrinthangi, SMO, Lunglei tarlan danin Lunglei District chhunga Covid 19 hri danna target 104897 ah ni 16.1.2021-4.12.2021 thlenga hri danna 1st dose 97723 (93.3%) leh 2nd dose 78815 (80.7%) te hnenah pek an ni. Health Care Worker target 2430 ah hri danna 1st dose 1771(72.9%) leh 2nd dose 1785 (73.4%) pek an ni. Front line worker target 6898 ah hri danna 1st dose 5616(81.4%) leh 2nd dose 4727(84.2%) pek an ni. Kum 18 atanga kum 44 target 69937 ah hri danna 1st dose 61229(87.5%) leh 2nd dose 45805(74.8%) peh niin kum 45 chunglam target 34960 ah hri danna 1st dose 29107(83.3%) leh 2nd dose 26498(91.0%) te hnenah pek an ni.`