Rampum ruala Lunglei District-ah pawh October ni 2, 2014 atanga hman tan ‘Cleanliness Week 2014’ chu vawiin khan Saikuti Hall, Lunglei-ah a kharna inkhawm hman a ni a. Lunglei Bawrhsap Pu Ashish Madhaorao More, IAS chu Khuallian niin 'Cleanliness Week' chhunga faina lama inelna buatsaih hrang hrang lawmmante a sem nghal a ni.

Lunglei District Cleanliness Week 2014 kharna inkhawm Lunglei District Urban Development Officer Pu R.L.Zidinga kaihhruaiah Khuallian Pu Ashish More chuan India zalenna kan lawm kum 68-naah pawh ‘Faina Hapta’ bik hman kan la ngai hi ngaihtuah a ti thui hle a, India rama cheng mi vaibelchhe 125-te hian mobile an keng deuh vek tawh laiin a tam zawk chuan inthiarna tur (toilet) pangngai pawh nei pha lo an la nih hi faina leh hriselna lamah hnathawh tur kan la ngahzia a tilang chiang hle a ni, a ti. India ram khawpui ber New Delhi leh khawpui lian zawkah te ngei pawh faina hian ngaih pawimawh a la hlawh tawk lo hlea a hriat thu sawiin Pu Ashish More chuan Mizoram leh ramchhung hmun kilkhawr zawkah erawh chuan mipuite zingah faina ngaih pawimawhna a sang zawka a hriat thu a sawi a. Kumin 'Faina Hapta' hman a nih rual hian Prime Minister Pu Narendra Modi chuan ramchhungah faina beihpui thlakna tur ‘Swachh Bharat Campaign’ a hawng nghe nghe a, hei hi kar khat chhung daih tur a ni satliah mai lova, ram mipui zawng zawngten faina hi nitin kan nunphungah kan nei tur atana tih zawk a ni, a ti. Faina lama kan hlawhtling tur chuan mahni theuhah bultanin kan bulvel, kan veng, kan khua leh kan state kan tifai zel ang a, ‘Clean India’ tih hming hi he ram hian a pu hlen thei dawn a ni, a ti bawk. India ramah natna kan buaipui berte chu malaria, diarrhoea, typhoid leh cholera te a ni a, heng hi kan chenna hmun leh kan ei-in tur fai tawk lo avanga darhzau a ni a, faina kan ngaih pawimawh chuan kan umbo vek thei a ni tiin Khuallian Pu Ashish More chuan ramchhungah zirna leh hriselna kaihhnawih ruahmanna (scheme/programme) siam zawng zawngte hian faina lama hmalakna tur ruahmanna keng tel vek se chuan hma kan sawn ngei ang, a ti bawk. Ram hmun dang tam zawkte aiin Mizo hnam chu faina leh hriselna lamah an changkang zawknaa, khawlaiah meizial bung paih ching an la tam chu sim tlana bawlhhlawh bawmah ngei bawlhhlawh engpawh paih ching tawh turin kalkhawmte a chah a ni.

Cleanliness Week 2014 pualin vawiin kharna inkhawmah hian zirna in 4 - Govt Lunglei College, Govt J.Buana College, HATIM leh Mizoram Polytechnic - zirlaiten faina thupui hmangin ‘Extempore Speech’-ah inelna an nei chu MJA Lunglei President Pu K.Lalrinpuia, Gen.Secy. Pu Thanghmingliana Renthlei leh Executive Committee Member Pu Lalrintluanga Khiangte ten an huaihawt a ni.

Lunglei District Cleanliness Week 2014 lawmman dawngte chu a hnuaia mi ang hi an ni :

1. Veng Fai :

1st Prize - Theiriat (Rs.5000)

2nd Prize - Salem (Rs.3000)

3rd Prize - Farm Veng (Rs 2000)

2. Primary School :

1st Prize - Govt. Zotlang Primary School-I (Rs.5000)

2nd Prize - Govt. Primary School-II, Zobawk (Rs.3000)

3rd Prize - Govt. Primary School-II, Zotlang (Rs 2000)

3. Middle School :

1st Prize - Govt. Darphawka Memorial School, Theiriat (Rs.5000)

2nd Prize - Govt. Middle School, Zohnuai (Rs.3000)

3rd Prize - Govt. Middle School-II, Rahsi Veng & Govt. Middle School, Zotlang (Rs 2000 each)

4. High School & Above :

1st Prize - Zakhuma Memorial High School, Theiriat (Rs.5000)

2nd Prize - HATIM, Chanmari (Rs.3000)

3rd Prize - Baptist HSS, Serkawn (Rs.2000)

5. Office :

1st Prize - Soil & Water Conservation Dept. (Rs.3000)

2nd Prize - Commandant, 2nd Bn. MAP (Rs.2000)

3rd Prize - EE, Minor Irrigation Dept. (Rs.1000)

6. Hotel/Restaurant/Tea Stall :

1st Prize - Hotel Joshua (Rs.3000)

2nd Prize - Pizza Hot Restaurant (Rs.2000)

3rd Prize - Hotel Alabasta (Rs.1000)

7. Extempore Speech :

1st Prize - Lalthawmmawii, Govt. Lunglei College (Rs.3000)

2nd Prize - Vanlalvena Ralte Kawlni, Govt. JB College (Rs.2000)

3rd Prize - ST Elizabeth Lalnunzirsangzeli, Mizoram Polytechnic (Rs.1000)

8. Lunglei Photographers - Theme of the Week :

1st Prize - R.Lalhruaitluanga

2nd Prize - Ramdinpuia

3rd Prize - Lalruatsanga Chhakchhuak.

Lunglei Cleanliness Week 2014 hi Pu H. Lalmuankima, Asst. Sanitation Officer, UD&PA chuan lawmthu sawiin a khar a ni.