No.7132/2020-2021

Vawiin khan Lunglei DC Conference Hall, Lunglei ah Pu R. Vanrengpuia, Addl. Deputy Commissioner, Lunglei kaihhruaiin District Consultative Committee/District Level Review Committee/District Level Security Committee Quarter Ended September 2020 meeting neih a ni. Meeting ah hian District Lead Bank Manager Pi Lalhlupuii, DDM NABARD, Pu Evan T Munsong, RBI Manager Pu Dhrubajyoti Das, Bank hrang hrang manager-te leh Line Department hrang hrang aiawh te an tel a ni.

Meeting kaihruaitu Pu R. Vanrengpuia chuan Bank-te chu ram hmasawnna hnathawktu pawimawh tak an nih thu sawiin Bank manager kalkhawmte chu an Bank hmalakna apiang ah mipui hmasawnna leh an hamthatna dah pawimawh hmasa ber thin turin a chah a. Kawng hrang hranga Lunglei District ti hmasawn turin Bank leh Line Department tangkawp ten theihtawp chhuaha hma an lak a tul takzet a ni tiin DLCC Meeting chu an hmalaknate leh harsatna neihte an inhriattawn sak theihna tura tangkai taka hmang turin a sawm a. Mipuite hamthatna tura sawrkar laipuiin scheme hrang hrang a duang te chu zau zawka mipuite hriattira zirtir turin kalkhawmte a chah bawk a ni. 

He meeting a pharh September 2020 quarter tawp a Lunglei District chhunga bank hrang hrang te hmalakna tlangpui chu hetiang hi a ni. 

Bank hrang hrang ten Bank Security an neih bakah CCTV, Fire Extinguisher, Alarm System leh Police patrol log book te dahin an enkawl that thu tarlan a ni a. Lunglei Police te nen hemi kawnga thawhhona tha tak an neih thu tarlan a ni. ATM Booth tin ah Hand Sanitizer dah theuh tur tih ani bawk.

Currency Management- Remittance issues leh pawisa chhia thleng chungchang ah Bank ah harsatna a awm loh thu sawi a ni.

Women Self Helf Group MZSRLM-te pawhin hrileng avangin hma an lak chaklo thu an sawiin Lunglei Rural Development Block hnuaiah in register 121 awmin , credit link thar 5 awm thu tarlan a ni.

Credit Deposit Ratio (CD Ratio – Bank in Deposit a dawn atanga loan a pekchhuah zat) chu March 2020 ah 53.22% niin June 2020 Quarter ah 44.61% a ni a, September 2020 ah 47.06% a ni a. National Benchmark 60 % pha tura tan la turin Bank tin te Chairman chuan a chah a ni. 

Prime Ministers Employment Generation Programme - PMEGP ah hmalakna a tha thawkhat a, kumin FY chhungin September 2020 thleng khan Lunglei District-ah cheng nuai 38. 91 loan pekchhuah a ni.

Sawrkar laipui hmalakna khawpuia chengte in sak tanpuina Pradhan Mantri Awas Yojana hnuaia Housing Loan chu Bank thenkhatin an tih that viau laiin Bank thenkhat te chu tan an lak a tul thu tarlan a ni. National Rural Livelihood Mission hnuaiah SHG 5 hnenah loan cheng nuai 12 pek chhuah an ni a. DAY-NULM hnuaiah beneficiary mi 34 hnenah loan cheng nuai 43.67 pek chhuah a ni bawk. 

Sawrkar laipui hnuaia social security scheme-te - Pradhan Mantri Jan Dhan Yojana (PMJDY) hnuaiah Lunglei District chhungah beneficiary mi 54,553 awm mekin, Pradhan Mantri Jeevan Jyoti Bima Yojana (PMJJBY) leh Pradhan Mantri Suraksha Bima Yojana (PMSBY) hnuaiah pawh mi enrol belh zel an ni.

A chunga loan tarlan te leh hmalakna te khi Lunglei District huam chhunga Bank 20- SBI Lunglei, SBI Chanmari, SBI Tlabung, SBI AOC Square, AXIS Bank, Canara Bank, HDFC Bank, IDBI Bank, Syndicate Bank, United Bank of India, MRB Buarpui, MRB Bunghmun, MRB Haulawng, MRB Lunglawn, MRB Lunglei, MRB Lungsen, MRB Serkawn, NESFB, MCAB Zobawk leh MCAB Lunglei te hnuaiah a ni.