Assembly Constituency pasarih awmna Lunglei District Draft Electoral Roll 2019 chu vawiin khan Lunglei Election Officer Pu James Lalnithanga chuan DC's Conference Hall Lungleiah a tlangzarh.

He hunah hian Lungleia Political Party hrang hrang aiawhte, MJA hruaitute leh tlawmngai pawl aiawhte bakah DDK aiawhte an tel a, Lunglei Election Officer Pu James Lalnithanga chuan Lunglei District-in Electoral Roll dik leh felfai tak a neih theih nan thahnemngai taka hma la theuh turin kalkhawmte a sawm a, tlawngaipawlte puihna chu roll dik tak an siam theih nan an mamawh hle thu a sawi bawk. Draft Electoral Roll tlangzarh takin a tarlan dan in Lunglei District-ah voter 105594 (mipa – 52234, hmeichhia – 52841) an awm a,  Lunglei District A/C zinga voter tamna ber Lunglei South A/C ah voters 17,333 awmin voter tlem na ber Thorang A/C ah voters 13196 an awm a ni.

He hunah hian Election Officer chuan Party aiawh kalkhawmte leh  YMA Sub Hqrs. Lungleite hnenah Draft Publication hi a sem nghal a, Hming thunluh, paih, vote neihna insawnte chu BLO te hnenah vawiin December ni 28, 2018 atanga January ni 25, 2019 thleng hian dilna a thehluh theih a, heng hi endik a nih hnu ah Electoral Roll Final chu ni 22 February 2019 ah tlangzarh tum niin hei hi MP inthlanna lo awm tur atan hman a ni tawh dawn a ni.