Kum thar 2019-a Parliament inthlan neih tura Electoral Roll siam nana behchhana hman tur, Lawngtlai District-a assembly bial pathuma Draft Electoral Roll chu vawiin khan Lawngtlai District Election Officer, Lawngtlai Bawrhsap ni bawk Pu N. Chakhai MCS chuan a office chamber-ah a tlangzarh.

Draft Electoral Roll-ah hian 36-Tuichawng (ST) A/C bialah vote nei mipa 15498 leh hmeichhia 15087, an vaiin mi 30585 an awm a; 37-Lawngtlai West (ST) A/C bialah vote nei mipa 13128 leh hmeichhia 12998, an vaiin mi 26126 an awm a; 38-Lawngtlai East (ST) A/C bialah voter mipa 11365 leh hmeichhia 12149, an vaiin mi 23514 an awm a; assembly bial pathumah hian vote nei mipa 39991 leh hmeichhia 40234, an vaiin mi 80225 an awm a ni.

Special Summary Revision neih turah hian sawi duh neite tan kum thar January ni 25 thleng hun hawn a ni a. February ni 22-ah Final Electoral Roll chu tar chhuah tura tih a ni. Vawiina tlangzarh tak Draft Electoral Roll hi political party hrang hrang ai awhte hnenah an lo zir chian atan a thlawna sem nghal a ni.

Lawngtlai District Election Officer chuan Tuichawng biala polling station pathum, Longpuighat, Ajasora leh Borapansury polling station-te leh Lawngtlai East biala Lawngtlai-III Polling Station te chu voter an tam deuh avangin polling station pahniha áš­hen tura dilna Election thuneitu sang lamah thlen a nih thu a sawi lang a. Political party leh tlawmngai pawl ai awhte chu Electoral Roll felfai tak neih a nih theih nan theih tawp chhuaha hma lakpui atan a sawm bawk.

Attachment

  • Loading attachment...