Vawiin chawhnu khan DC Conference Hall, Lunglei ah Pi K. Lalrinzuali, District Election Officer chuan Kohhran hrang hrang hruaitu,MUP, YMA leh Kali Mandir hruaitu te Lok Sabha inthlan hmachhawn tura inpuachahna a sawipui. Meeting ah hian Pu Benjamin Lalzama, Addl. DC, Pu James Lalnithanga, Election Officer baka ah BCM, PCI, Salvation Army, Seven Day Adventist, Kali Mandir(Bazar Veng) MUP leh Sub Hqrs YMA aiawh te an tel ani.

Pi K. Lalrinzuali chuan Lok Sabha inthlan felfai leh tluang taka kan neih theih nan a Kohhran hrang hrang te tawngtai pui turin a sawm a,  MUP leh YMA te mahni zawn theuh a tan lak pui turin a sawm bawk. MLA inthlan aiin MP inthlan ah vote a tlak that loh thu sawiin , Lunglei District chhunga  vote a tlak that nan theitawp chhuaha khua leh tui kan nih angin  vote thlak pawimawh zia sawitam a puanzar sak turin a ngen ani. Inthlanna inpuahchah na a that thu sawiin Election kaihhnawi te nen thawhhona a that thu a sawi bawk. General Observer pawhin inpuahchanna ah a lungawi a ni ati. Ram dan zawm hi ringtu te tihtur ani a, thinlung taka zawm theuh turin a duh ani. mahni tana pawikhawihna laka erawh fimkhur turin a chah. Vote thlak thatna khua leh veng te hnenah lawmman pawisa fai leh certificate pek ani tur thu a sawi. Kohhran hruaitu, MUP leh YMA aiawte pawh in rawtna leh ngaihdan te an sawiin theitawpa a tan an lakpui tur thu an sawi bawk .