MLA Election 2013 atana political parte le cadidate te sum senso viltu Expenditure Accounting Team ten daily report an dawn zawng zawng chik taka an endik hnuin election expenditure tur an ziak lut zel a. Anni hian Expenditure Observer leh Returning Officer-te nen expenditure inspection mumal takin an nei thin a ni.

Lunglei District huamchhunga MLA Bial hrang hranga kalchhuak Flying Squad ten an thla lak te chu Video Viewing Team hnenah an thehlut zel a. Video Viewing Team-te hian heng thlalak te chik takin an en zel a, party leh candidate-te expenditure turte chhutin Accounting Team hnenah an thehlut thin bawk a ni. Vawiinah pawh Election Officer, Lunglei District Pu Mark Lalthanliana hovin Video Viewing Team-te hian thlalak engemawzat an en ho a ni.