MLA Election 2013 atana Polling Officer turte chu vawiin dar 10:30 khan Saikuti Hall-ah Training chhawng thumna an nei a, 35(ST)-West Tuipui Returning Officer Pu Donny Lalruatsanga’n training hun hi a kaihruai a ni.

Presiding Officer/Polling Officer emaw Officer dang tupawh Election buaipui tura ruatte reng reng chu Representative of the People Act, 1951 section 28A-in a sawi angin Election Commission thuneihna hnuaia awm leh tih tur a tih apiang ti tura awm an ni. Inthlanna ‘free & fair’ awm theihna tura mawhphurtu an nih ang bawkin, thil duhawm lo/dik lo awm chungchangah pawh an mawhphurhna a ni ang a, midang hnenah hlanchhawn theih a ni lo. Inthlanni-ah Vote thlak dan Report a rang thei ang bera an peihfel tur a ni.

Inthlan Ni 25 November 2013 (Thawhtanni)-ah chuan Polling Station zawng zawngah Presiding/Polling Officer te enpuina hnuaiah zing dar 7:00 atanga tlai dar 4:00 thlengin vote thlak theih a ni ang a.