Vawin chawhma Dar 10 khan Lunglei District Green Mizoram Committee chu an Chairman Pu V. Sapchhunga District Bawrhsap hovin a Office Chamber ah Green Mizoram Day 2013 hman dantur rel in an thukhawm.

He meeting-ah hian Lunglei DFO Pu Kawlhnuna chuan Kum 2012 a Green Mizoram Day, Lunglei bik a hman a nih dan te report a pek hnu ah Green Mizoram Day 2013, Lunglei District a hman dan tur hi rel nghal a ni a, Committee in a ruahman dan chuan June 11, 2013 ah hian Lunglei District tan Green Mizoram Day hman a ni leh dawn a; He mi ni hian Pukpui Centenary Lungphun hmun ah Function neih hmasak a nih hnu in Sorkar hnathawk te leh NGO bak ah ram Hnimhnah humhalh leh Environment tih thianghlim kawnga tui mi te chuan Kum 2011 leh 2012 a Pukpui leh Tlawng inkar kawng kam a Thing phunte hmunhma hung that leh thenfai na hun an nei dawn a ni. Pukpui ram leh Saza tlanghnuai a Leipui leh huan haltu ten Thingphun tamtak an hal hlum tak te hmun hma ah thing tiak dangte phun belh leh nise tiin rel a ni bawk. June ni 11, Green Mizoram Day , Lunglei District in a hman ni hian Lunglei District chhung a khawtin VC, YMA,MUP MHIP leh AMFU member te chu an khua theuh ah thing lo phun ve tur a ngen an ni. Lunglei District Green Mizoram Committee chuan District chhung a Kohhran zawng zawng te hnen ah thingphun uar tulna leh ramngaw leh nungcha humhalh pawimawhna chungchang ah te zirtirna puang thinturin a ngenna siam nghal a, Green Mizoram day ah hian Lunglei District a Office te chu Mipui dawr theih tur in Staff thenkhat Office nghak ruat tur in a hriattir bawk.