Vawiin chawhnu dar 1:00 khan Lunglei DC Office chamber ah Bawrhsap Pu V.Sapchhunga hovin District Level Green Mizoram Committee Lunglei a member te an thukhawm a, June ni 14, 2012 a Green Mizoram Day, Lunglei a hmandan tur an rel.

Committee thutlukna ang chuan Lunglei khawpui ah pawh June 14 chawhma dar 11:00 hian Pukpui Centenary Lungphun hmun ah hman a ni dawn a. Nikum 2011 a Department hrang hrang thingphun te hungthat nan leh thingkung nunglo hmun ah thingtiak phun nan hman nise ti in an rel a ni bawk. Green Mizoram Committee, Lunglei District chuan mipui vantlang dawr tur awmlo khawpa office staff te chhuah vek lo turin office hotute a ngen a. He ni ah hian nikuma thingphun leh enkawl zui hna thawk tha Power Maintenance Division, P&E Lunglei chu chawimawi na hlan nise tiin committee chuan a rel.Lunglei DFO Pu Kawlhnuna’n a tarlan dan chuan kum 2011 chhung khan Lunglei District ah 1.5Square Km aia zau a kanglo a ni a ti.