Vawiin chawhma dar 11 khan Hrangchalkawn-ah Lunglei District Green Mizoram Day 2009 hawnna inkhawm neih a ni a. Hlawhtling taka hman a ni.
Hawnna in inkhawm hi Pi M. Zohmingthangi, IAS, D.C. & Chairman Green Mizoram Committee Lunglei District in a kaihruai a. Thusawiin sorkar hnathawk leh tlawmngai pawl mi 100 tel thing phun tura an kalkhawm avangin lawmthu a sawi. He inkhawm hi Pu Joseph Lalhimpuia, Vice Chairman, Lunglei High Power Committee in a hawng a; hawnna thu sawiin sorkar ruahmanna anga Green Mizoram Day Lunglei District in hlawhtling taka a hman avang leh sorkar hnathawk leh tlawmngai pawl inpekna lawmthu a sawi a.
A sawi zelnaah Green Mizoram Day in a tum bulpui ber chu ramngaw humhalh leh ram chereu tawh ramngaw a siam anih avangin a tam thei ang ber vawiin ni ah thing kan phun dawn a, kan phun tawh sa te pawh kan enkawl zui dawn a ni, a ti. Mizoram hian ramngaw 16717 Sq. Km. a nei a, chumi zinga ramngaw chhah tha a neih chu 14.98% chauh a ni, a ti a. Lunglei District bikah phei chuan 11.56% chauh kan nei a ni a ti bawk. Kashmir ho angin kan ram hi kan pi leh pu te atanga kan rochun a ni mai lova, kan tu leh fate tan kan hawn zawk a ni, kan ti ve tur a ni a ti. Ram leh hnam tan, kan tu leh fate tan thingphun ila, a awm tawh sa pawh humhalh zel turin tan ila sauh sauh ang u, a ti bawk.
Vawiin Lunglei District Green Mizoram day 2009 ah hian Vice Chairman, Lunglei High Power Committee, D.C leh Conservator of Forest te bakah Department leh tlawmngai pawl zawng zawng Lunglei khawchhung a mite chuan chan insemin thingtiak 1000 chuang an phun a ni.
A sawi zelnaah Green Mizoram Day in a tum bulpui ber chu ramngaw humhalh leh ram chereu tawh ramngaw a siam anih avangin a tam thei ang ber vawiin ni ah thing kan phun dawn a, kan phun tawh sa te pawh kan enkawl zui dawn a ni, a ti. Mizoram hian ramngaw 16717 Sq. Km. a nei a, chumi zinga ramngaw chhah tha a neih chu 14.98% chauh a ni, a ti a. Lunglei District bikah phei chuan 11.56% chauh kan nei a ni a ti bawk. Kashmir ho angin kan ram hi kan pi leh pu te atanga kan rochun a ni mai lova, kan tu leh fate tan kan hawn zawk a ni, kan ti ve tur a ni a ti. Ram leh hnam tan, kan tu leh fate tan thingphun ila, a awm tawh sa pawh humhalh zel turin tan ila sauh sauh ang u, a ti bawk.
Vawiin Lunglei District Green Mizoram day 2009 ah hian Vice Chairman, Lunglei High Power Committee, D.C leh Conservator of Forest te bakah Department leh tlawmngai pawl zawng zawng Lunglei khawchhung a mite chuan chan insemin thingtiak 1000 chuang an phun a ni.
