1259/2023-2024

Lunglei the 25th July, 2023:  Vawiin chawhnu khan Lunglei District Disaster Management Authority buatsaihin Convention Centre Hall, Lungleiah Lunglei District huamchhunga Village Level Disaster Management Committee(VDMC) te tan training  neih a ni. He hun hi Pu Donny Lalruatsanga, Addl. Deputy Commissioner, Lunglei chuan khuallian niin a hmanpui.

He hun hi Pi Chuaupari Pachuau, District Organiser, DMR, Lunglei chuan kaihhruaiin Pu Donny Lalruatsanga chuan chhiatna laka invenna kawngah leh chhiatna a thlenin veng, khua leh khawtlang hruaitute an pawimawh tak zet thu a sawi a, Lunglei District huamchhunga khua leh veng tinah te Village Disaster Management Committee (VMDC) mumal taka kalpui a, chetlak dantur leh mawhphurhna te hriat a pawimawh thu sawiin VDMC te hi a tul apiangah District Disaster Management Authority in hma a lak pui zel tur thu a sawi bawk. Chhiatna a lo thlen a chhanchhuah kawngah hmanrua mamawhte VDMC kaltlanga neih leh a mamawh ten dawng se, chhiatna lian deuh a lo thlen a VDMC level in mawmawhte a tih theih loh chu mahni veng bialtu Zonal Officer te hnena thlen a, thawhhona tha tak nena ruahmanna siam a ngaih thu a sawi a ni. Pu Donny Lalruatsanga chuan chhiatna alo thlen thula chhanchhuah hna thawktu a bik taka training chhuak mi 9 an neih thu sawiin a tul leh mamawh na ah chuan pun theih a ni tiin Silpauline mamawh te chuan VDMC kaltlang a dilna siam turin a chah a ni. Chhiatna a lo thlen a District leh Block bakah VDMC te nena thawk tlanga, kan zavai a kan tan ho hian District a ti mawi ang, a ti bawk.

VDMC training ah hian Pi Chuaupari Pachuau, District Organizer, DMR, Lunglei in District Disaster Management Plan siam dan te, Village Level Management Committee din dan tur te leh VDMC member mawhphurhna te a zirtir a. Pu Lalramenga, SDC in State Disaster Response Force leh National Disaster Response Force te hnathawh bakah SDRF leh NDRF atanga hmanrua leh tanpuina hmuh theih dan te zirtirna a pe bawk a ni.