448/2022-2023
Powergrid Corporation of India Limited atanga CSR kaltlanga Rs. 6,70,740/- man hu Maruti Suzuki Eeco Van Ambulance dawn thar chu vawiin khan Lunglei DC Pu Kulothungan A chuan Lunglei CMO Dr LC Liana hnenah a hlan.

Hlanna program Lunglei DC Conference Hall-a neihah Lunglei DC Pu Kulothungan A chuan District mipui mamawh tak ruahman sak tu Powergrid Corporation of India Limited Chief General Manager Pu Balbir Singh leh Senior General Manager Pu SK Tiwary te chungah lawmthu a sawi a. Covid hrilen hnuah Lunglei District in CSR tanpuina cheng nuai 300 chuang a hmuh tawh thu leh hriselna hmanrua leh ruhrel hrang hrangte District tan ngaihtuah chhunzawm zel a tum thu Lunglei DC chuan a sawi a. H&FW Department thawktute inpekna leh thawhrimna avangin an chungah lawmthu a sawi bawk.

Vawiina ambulance dawn hi tun hnaia Lunglei District in CSR kaltlanga ambulance a dawn pathumna a ni a. 13th October, 2021 khan Projects Construction Corporation Ltd. (NPCC) atangin nuai 20 man hu Ambulance Type C dawn niin 2nd December 2021 khan ABCI Infrastructures Pvt. Ltd (Pkg-6) atangin Maruti Suzuki Eeco Van Ambulance dawn alo ni tawh bawk a. Type C Ambulance hi Tlabung SDH ah hman niin Eeco Van hi Tawipui PHC ah hman mek a ni bawk.