447/2022-2023
Aizawl, the 10th May 2022 : Vawiin khan State Transport Authority chu kumin atana meeting hmasa ber neiin STA Office, Transport Building an an thukhawm.

Meeting hi Pu K.T Beicho, Commissioner & Secretary, Transport leh Chairman, STA ni bawk in a kaihruai a, Er R. Lalrammawia, Director, Tranpsort leh Secretary STA ni bawk chuan meeting hmasa lama thu tihthluk hrang hrangte bawhzui dan a report a. Agenda hrang hrangte a sawifiah nghal a. Meeting ah hian Aizawl khawpui chhunga Line Bus Service dan chungchang te, Maxi Cab atan Maruti Suzuki Ertiga hman dilna te, Mizoram Taxi Association atanga dilna te, fare control-na atan Auto Rickshaw-a Fare Meter vuah chungchang te, ICT Department nen tangkawpa Four Wheeler leh Two Wheeler Taxi atan a fare software duan mek chungchang te leh tul dangte sawiho a ni.

Tuna State Transport Authority hi Sawrrkarin 21st April 2022-a a din thar a ni a. Chairman ah Pu K.T Beicho, Commissioner & Secretary, Transport chu Chairman niin Er R. Lalrammawia, Director, Transport Department chu Secretary a ni a. Member dangte chu - Pu Lalmuanthanga Fanai; PuT. Thanga leh Pu Lalnunpuia Sailo te an ni.