140/2023-2024

Lunglei the 18th, April, 2023: Deputy Commissioner Office, Lunglei buatsaihin vawiin chawhnu khan DCs Conference Hall ah tunhnaia Lunglei District in India ram pum huap a hnathawh that avang a chawimawina Award 3  Best Police Station,Subash Chandra  Bose Aapda Prabandhan Puraskar 2023 leh Water Warrior dawng te lawmpuina hun hman a ni.

He lawmpuina inkhawmah hian Pi Ramdinliani, IAS chuan thu sawiin Lunglei District in India ram pum huapa chawimawina Award 3 dawn anih avangin lawmthu a sawi a. Lunglei District mai bakah Mizoram ti hming thatu te chu a chhuan thu sawiin, rinawmna leh taimakna vanga chawimawina Award dawn te hi chhunzawm zel turin a chah a ni.

Vawiin a chawimawi te hi Ministry of Home Affairs, Government of India Annual Ranking of Police Station 2022 neihah Best Police Station of Mizoram  2022 atana thlanchhuah Lunglei Police Station leh kangmei ven kawnga  hnathawk tha  Lunglei Fire Station in Subash Chandra Bose Aapda Prabandhan Puraskar 2023   award a dawn bakah India rama hmeichhia te zinga faina, tuihna humhalh leh water supply system enkawlnaa  thawktha te chawimawina Water Warrior Award dawngtu Pi HS. Lalawmpuii, Sairep VCP, Lunglei District te hnenah Lawmpuina Memento Lunglei Bawrhsap Pi Ramdinliani chuan  a hlan  a ni.