1079/2023-2024
Lunglei the 8th July 2023 : Nimin 7.7.2023 Zirtawpni khan Lunglei District Arm Wrestling Association chuan Lunglei District Inter High School Arm Wrestling Championship DEO Conference Hall-ah an buatsaih a, HPC Vice Chairman Lawmawma Tochhawng khuallian a ni a, Lallianzuali Bawihtlung DEO Lunglei chu khualzahawm niin, 45. National Arm Wrestling Championship-a 'Champion of Champions' Benjamin Lalawmpuia chu special invitee a ni.
He championship-ah hian school 22 atangin players hmeichhia 55 leh mipa 148, an vaiin 203 an tel.
Intihsiak tan hmain inkhawm tawi buatsaih a ni a, Lunglei District Arm Wrestling Association President K. Lalrinpuia'n inkhawm a kaihruai.
Khualzahawm DEO chuan ' Sports hi zirna kalkawng peng pakhat all round development tifamkimtu a ni a, tihtakzeta kan beih chuan eizawnna tling a ni a, zirna nen kal kawp tir kan thiam a țul hle a ni,' a ti.
Khuallian Pu Lawmawma Tochhawng chuan, ' Hmathlir thui tak neia Lunglei Dist.Arm Wrestling Association ten Inter H/S Arm Wrestling Championship Mizorama a hmasa ber tur an buatsaih hi a lawmawm takzet , DEO fel takin School naulang te hmakhua ngaia a lo phurpui hi a lawm awm em em bawk a ni, a ti
Intihsiak buatsaihtute hian vawiin hi a tawpna, a hnuhnung ber atan an ti hauhh lovang tih a rinawm a, hun lo kal tur atan pawh zirlaite tan ṭangkai leh chhhawrnahawm tur thlir chungin hetiang hi an buatsaih zel ang tih ka ring a, an hmathlir leh naupang an duhsaknate a lawmawm ka ti takzet a ni, a ti.
'Eng pawh ti dawn ila, a tih ve mai mai theih a, mahse, 'a tha ber' kan ni dawn tia rilru tumruhna neite chauh an hlawhtling ṭhin tih hriain nangni pawh he in tihsiaknaah hian a chak ber, a thei ber ka ni dawn, tih rilru puin bei ang che u, a ti.
Tih phut tihhlawhtlin a awm thei a, chu aia ṭangkai chu tlo, daih rei, tak tura beih fat fat hi a hlawk bik tih theihngjilh loh tur a ni, tumruh, chhel leh huaisente chauh an hlawhtling ṭhin tih hriatreng tur a ni, a ti.
Mizoram sawrkar pawhin Sport hi a hlu tih hriaina phu leh pek awmte tan sawrkar hna thawk tur laknaah zaa panga chu Sport thei bikte tan a hauh nghe nghe a ni. India sawrkar pawhin infiamna hi part of Education ah pawmin Sport mite tan hamṭhatna bik a siam nasa.hle a, chung thilte chu vawiinah naupangte tan pawh a awm tih hria ang che u, a ti.
Benjamin Lalawmpuia pawhin tumruhna nena Arm Wrestling kalpui turin zirlaite fuihin zirna thlahthlam lova kal kawptir turin a fuih.
Hetiang hi result kimchang a ni.
Hmeichhia
45 below
1st. Irene Malsawmtluangi Adventist English School,
2nd. Sylvia Lalrinhlui 2nd. Bn. English School,
3rd. Lalawmpuii One Heart School,
55 below
1st. F. Lalhminghlui GHSS
2nd. Lalnunzuali Electric HS
3rd. Sarah Lalhriatpuii Serkawn Sikulpui
65 below
1st. Emily C. Rohluzuali Sacred Heart,
2nd. Lalengzualu 2nd. Bn. MAP English School,
3rd. Lalruatdiki Electric HS,
65+
1st. Lalremruatpuii GHSS
2nd. Melody Venghlun
3rd. Lalvohbiki Venghlun HS.
Mipa
50 below
1st. Johny Lalmuanawma NIOS,
2nd. Vanlalrokima Venghlun HS,
3rd. Rosangpuia Ramthar HS,
60 below
1st. Joseph Lalruatdika Bethesda,
2nd. Reuben Lalhmangaihzuala NIOS,
3rd. Joshua Lalnunhlima Graceland,
70 below
1st. P. Lalhruaizela Rahsiveng HS,
2nd. B. Lalvenhima LKMS,
3rd. Isaac Lalțanpuia Rahsiveng HS,
80 below
1st. Daniel Lalpekhlua GHSS
2nd. H.Lalruattluanga Bethesda,
3rd. Lallianzela Serkawn Sikulpui,
80+
1st. Vanlaldawngliana One Heart School,
2nd. Lalhmangaihzama Liantawna HS,
3rd. Lalhriatpuia Venglai HS.
Champion of Champions
Joseph Vanlalruata Bethesda
Team Champion
GHSS.
