Vawiin chawhma khan Lunglei Deputy Commissioner Pi Lalzarmawii IAS kaihhruaiin DC Office Chamber-ah District Level Coordination Committee on Deworming Day, 2017 chu thukhawmin, kumin a Lunglei District-a National Deworming Day hman dan tur an sawiho a ni. 

National Deworming Day hi India khua leh tuite an hrisel zawkna tura India Sorkar hmalakna pakhat niin, hemi ni ah hian naupang kum 1-19 inkar, school kal leh kal lo zawng zawng te chu School leh Anganwadi Centre-ah te a thlawn in rulhut hlo pek thin an ni a. Hemi ni a rulhut hlo ei ve hman lo leh thei lo te tan Mop Up Day a awm leh thin bawk a ni. 

Committee chuan National Deworming Day hi ni 10/08/2017 ah Baptist Higher Secondary School, Serkawn ah Lunglei DC hova hman turin a rel a. Lunglei Distict School leh Anganwandi Centre-ah bialtu Health Worker leh Asha ten rulhut hlo Albendazole(400mg) an sem theuh ang. Hemi ni a rulhut hlo ei hman lote tan ni 17/08/2017-ah Mop Up Day hman nise tiin committee chuan a rel a. Dr.Lalrintluangi, SMO in report pe in rulhut hlo hi kum khatah vawi hnih pek tur a nih thu sawiin, Febuary 2017 khan rulhut hlo hi Lunglei District Govt. leh Govt. Aided School 442, Private School 144 leh Anganwadi Centre 418 a naupang 51385 pek an klo nih tawh thu a tarlang a ni.