1236/2023-2024

Lunglei the 24th July' 2023: Lunglei District huamchhunga vawikhat hman atan a siam plastic hman tihtawp anih theihna tura hma latu District Level Enforcement Squad for Single Use Plastic Free te chuan vawiin khan inspection an nei.

Inspection hi Chanmari dawrah te neih niin dawr tam zawkah hman khat daih plastic la hman a ni tih hmuh a ni a. Plastic Waste Management Rules, 2016 leh Lunglei Plastic Waste Management Bye-Laws 2023 hi zawm turin intiamkamna (Form- I Form of Declaration) hmanga neih tir niin, heng dawrah te hian plastic bag, container, no, thleng leh plastic atanga siam eng chi pawh (Plastic Waste Management Rules, 2016) in a khapte hman, kawl leh hralh chhuahte ti lo tur leh, endikna neih hunah man annih chuan Lunglei Plastic Waste Management Bye-Laws, 2023 behchhana lei chawi an inhuam tih an intiam tir a,dan bawhchhiate lei chawi zat tur te hrilh hriat nghal an ni bawk.

Vawiin Inspection team kal chhuak te hian dawr hrang hrang 70 ah te an kal kual a, hman khaih daih plastic hi la nawn tawh lo turin an hriattir  ni.