3740/2023-2024

LUNGLEI; the 8th, February, 2024: Vawiin chawhnu khan DC Conference Hall, Lungleiah Pu Donny Lalruatsanga, Addl. Deputy Commissioner kaihhruaina in District Level Road Safety Committee thutkhawm neih a ni.

Vawiin thutkhawmna ah hian Road Safety Month hman dan tur sawiho a ni a. Road Safety Month, February 2024 hawnna hun hi ni 12.2.2024 ah hman nise programme chu DTO, Lunglei ten lo duang se tih a ni. Road Safety Month 2024 chhung hian lirthei check runpui ( No Tolerance Drive) ni 12-17, February 2024 chhungin neih a ni dawn a, Road Safety Awareness Lunglei khawpui chhunga School hrang hrangah District Education Officer kaltlangin Pledge chhiar chhuah tir nise mipui te lirthei laka an him theihna atana inzirtirna leh inkaihhruaina pamphlet Sumo, Taxi leh Auto Rickshaw Driver te hnenah sem tura rel a ni. Traffic Police te kaihhruaina in NCC te traffic duty dan zirtir nise, PWD leh Traffic Police ten khawpui chhunga kawng khuar lai te zirchiang tura tih a ni bawk. Kohhran hrang hrang leh NGO te hnenah awareness pek tur a tih bakak social media kaltlangin awareness atam thei ang ber pek nise tih a ni bawk.

District Level Road Safety thutkhawmna ah hian Lunglei South bialtu MLA Pu Lalramliana Papuia pawh in thu a sawi a, thutkhawmnaah sawm a nih vangin lawmthu a sawi a. Lunglei khawpui chhung traffic a mumal zawk nan Department hrang hrang atanga hmalak a ngaih thu a sawi a. Lunglei khawpui chhung hmasawnna tur atan HPC kaltlanga hmalak dan tur  awm a ring a, khawpui hmasawn turin kan thawk ho ang a, mamawh te Minister ah kher thlen ngai lovin MLA te hmang tangkai thin turin a sawm a ni.