3739/2023-2024

Hnahthial the 8th February 2024: Hnahthial ṭhalai tam tak eizawnna pawimawh tak, Balu leh Ṭiau an lakna hmunpui ber Chhimtuipuia Takam Ṭiau chu South Tuipui bialtu MLA Pu Jeje Lalpekhlua chuan vawiin khan a hmunah a tlawh a, he hmuna balu/ṭiau la pawl, Hnahthial South - III behchhana din Sand and Gravel Suppliers' Association (SAGSA) hruaituten an President Pu K. Lalremliana VCP ni bawk hova lo dawngsawngin Balu/ṭiau lak awlsam zawk dan tur te leh kawngṭha zawk sial a nih theih dan turte an en ho a, Chanmari Branch YMA Luidung humhalh Committee-te hmalakna pawh an en ho nghal bawk a ni.

Pu Jeje Lalpekhlua, MLA chuan kuthnathawktute an pawimawh hle a, chhungkaw tam tak eizawnna Balu leh Tiau lakna kawng pawh tha tak neih a tul a, tun thal chhunga lak tur la awm ang angte lakchhuah a nih theih nan hun neih hmasak berah a hmunah ngei tlawh a tum thu a sawi a, ngaih pawimawh hmasakah a neih thu a sawi bawk.

MLA Pu Jejea Lalpekhlua hi Hnahthial South III VCP,  party hruaitute, SAGSA hruaitute leh Chanmari Branch YMA hruaituten an tawiawm a ni.