3738/2023-2024

Mamit 8th February, 2024 : Vawiin khan DC Conference Hall, Mamit-ah Special Summary Revision of Photo Electoral Rolls, 2024 Final Publication chu Pu V. Laldinsanga, Deputy District Election Officer chuan a tlangzarh.

Pu V. Laldinsanga chuan Final Electoral Rolls, 2024 a hun taka tlangzarh a nih theih nana buaipuitu Election Officials te chungah lawmthu a sawi a, Rolls dik leh felfai tak kan neih theih nana Elections Officials phungbawmtu zawng zawngte chungah lawmthu a sawi bawk a ni.

Pu Lalsanglura, Election Officer-in a tarlan danin Final Electoral Rolls, 2024 tlangzarh takah hian Mamit District chhungah vote nei mipa 32842 awmin hmeichhia 32259 an vaiin 65101 an awm mek a, Gender ratio hi 982 a ni.

Vawiin-a tlangzarh tak Final Electoral Rolls, 2024 ah hian Draft Roll tarchhuah tak atanga Vote nei punna hi 232 ( 0.36%) a ni. 1- Hachhek (ST) ah hian Vote nei mipa 10561, hmeichhia 10577 an vaiin 21138 an awm a. 2- Dampa ( ST) ah mipa 10236, hmeichhia 9769 an vaiin 20005 awm a ni. 3- Mamit ( ST) ah vote nei mipa 12045 awmin hmeichhia 11913 an vaiin 23958 an awm bawk a ni. 1- Hachhek (ST) huamchhungah hian Kawrthah - III ah vote nei tam berin 886 an awm a, Sotapa ah vote nei tlem berin 138 an awm a ni. 2- Dampa (ST) ah Silsury - I ah 1059 awmin a tam ber a, Zopui ah tlem berin voters 39 an awm a ni.3-Mamit (ST) ah Damparengpui - I ah 1030 awmin a tam ber a, Tlangkhangah voters tlem berin 35 an awm a ni.

Mamit District chhungah kum 20-29 inkarah Voters 17732 awmin kum inkara vote nei tam ber an ni a, Kum 80 chunglam vote nei mi 949 awmin a tlem ber an ni thung a ni.

Final Electoral Rolls, 2024 tlangzarh tak hi Political Party hrang hrang BJP, INC, MNF leh ZPM te hnenah a copy pek an ni.

Vawiin-a Final Rolls, 2024 tlangzarhna hunah hian Election Officials, Tlawmngaipawl aiawh leh thutharthehdarhtute an tel a ni.