889/2022-2023
Lunglei, the 13th June 2022: Vawiin chawhnu dar 2:00 khan Lunglei District Level SEDP Committee chu an Chairman Bawrhsap Pu Kulothungan A, IAS hovin DC’s Conference Hall-ah an thukhawm a, Lunglei District chhunga Assembly Constituency 6 huam chhunga Village Level SEDP Committee ten Form-2 hmanga SEDP dawng tura rawtna an thehluhte chu an zirchiang a ni.

Lunglei Bawrhsap leh Chairman, District Level SEDP Committee Pu Kulothungan A, chuan thu sawiin, SEDP chu chhungkaw tinzawna duan ‘Family Oriented’ a nih angin chhungkaw tam tak tan hmasawnna a thlen ngei a beisei thu a sawi a. Lunglei District chu District dangte entawn tlak a SEDP ti hlawhtling ber District ni tura felfai leh belhchian dawl taka kalpui theuh turin department hrang hrang-te leh District Level Committee Member te a chah bawk.

Meeting ah hian Lunglei District-a Assembly Constituency 6 huam chhunga Village Level SEDP Committee member ten an huam chhung theuhva SEDP dawng tur chhungkaw thlachhuah te pawm niin constituency tinah beneficiary chhungkaw1500 theuh thlan chhuah an ni. Heng SEDP thawhkhatna (first phase) dawng tura thlanchhuah te hming (list) hi naktip (16.6.2022) hian Form-3 hmangin Member Secretary, SEDP Executive Board-ah thehluh a ni ang.