Vawiin chawhnu khan Special Summarry Revision Of Electoral Roll lo awm leh tur atan a inbuatsaihna kal zel ah District Level Standing Committee, chu DC's Conference Hall ah District Election Officer Pu Abhijit Vijay Chaudhary, IAS hovin an thukhawm.

Vote nei thei kum tling tawh te Electoral Roll a thun ngei ngei hi Special Summarry Revision Of electoral Roll in a tum a ni tih Pi Saizikpuii, Election Officer chuan a ti a, ni 15.9.2016 ah Draft Roll tarchhuah a ni anga, in thun luhna leh paih dilna thehluh hun chu ni 15.9.2016 atanga ni 14.10.2016 ni in, Veng tin a Electoral Roll chhiar chhuah a enchian hun chu ni 16.9.2016 leh ni 30.10.2016 a ni a, dilna te enchian a tihfel hun chu ni 16.11.2016 a ni. DEO Office a dilna chhutluh hun chu ni 15.12.2016 hma a thehluh tur a ni. Final Electoral Roll tarchhuah hun chu ni 5.1.2017 tiin Election Officer chuan a tarlang. Political Party tin ten Poling Station tan Booth Level Agency thlanchhuah tur a ti a ni. Rationalization Of Poling Station chungchang te sawiho a ni. Political Party leh NGO ten Electoral Roll felfai kan neih theih nan Official te thawhpui turin sawm an ni.