Vawiin chawhma khan DC Conference Hall, Lunglei-ah 2^nd Special Summary Revision of Electoral Rolls, 2018 neih tur atana inbuatsaihna kal zelah Lunglei District Level Standing Committee (DLSC)-te chu Lunglei SDO(S) Pu Lalnundika hovin an thukhawm. He hunah hian election lam kaihhnawih sawrkar official-te bakah Political Party hruaitute leh tlawmngai pawl aiawhte an tel.

Meeting kaihruaitu Pu Lalnundika chuan 2^nd Special Summary Revision of Electoral Rolls, 2018 chungchang sawiin Election Commission of India (ECI)-in ruahmanna a siam angin 27^th September, 2018 ah Final Electoral Roll tlangzarh a ni dawn a ni, a ti a. Inbuatsaihna hi chak taka kalpui mek zel a ni a. 15^thMay 2018 atanga 20^th June 2018 hun chhung khan Lunglei District huam chhunga Booth Level Officer 85 ten an area chhung theuh tlawh chhuakin House to House Field Verification an lo nei tawh a, 31^st July, 2018-ah Integrated Draft electoral Roll tlangzarh a ni ang. 2^nd Special Summary Revision of Electoral Rolls atana Qualifying date chu 01/01/2018 a ni.  Pu Lalnundika chuan Lunglei District-in Roll thianghlim leh dik tak a neih theih na turin sawrkar hnathawk, tlawmngai pawl leh political party hrang hrang aiawh kalkhawmte chu theihtawp chhuah theuh turin a sawm.

Vawiin meeting-ah hian Booth Level Assistant (BLA) ruat chungchang sawiho a ni a. Political party tin te Polling Station tinah BLA ruat turin Lunglei District Level Standing Committee chuan hriattirna a pe a. Hemi bakah hian Booth Level Officer (BLO) hrang hrang hnen atanga report dawn angin Polling Station atana hman mek, a Building tha tawk lo, Building tha zawka sawn chungchang Committee chuan a ngaihtuah bawk a. Cherhlun-II, Sekhum, Serkawn-I, Zohnuai, Dawn, Sethlun, Theiriat-I, Hrangchalkawn, Thaizawl, Chithar, Vaisam, Chawngte ‘L’, Tawipui ‘S’ – I leh Thanzamalui ah te Polling Station hmunhma tha zawk leh panna nuam zawk ah thlak ni se tih Committee chuan relin Election Commission of India (ECI) ah bawhzui leh a ni ang.