Vawiin chawhnu khan DC Conference Hall, Lunglei-ah  Special Summary Revision of Electoral Rolls, 2019 neih tur atana inbuatsaihna kal zelah Lunglei District Level Standing Committee (DLSC)-te chu Lunglei District Election Officer leh DC ni bawk Pi K. Lalrinzuali hovin an thukhawm. He hunah hian election lam kaihhnawih sawrkar official-te bakah Political Party hruaitute leh tlawmngai pawl aiawhte an tel.

Pi K. Lalrinzuali chuan kalkhawmte lawmna thu sawiin Lunglei District-in Roll thianghlim leh dik tak a neih theih na turin sawrkar hnathawk, tlawmngai pawl leh political party hrang hrang aiawhte chu theihtawp chhuah theuh turin a sawm.

Lunglei SDO(S) leh Election Officer charge la mektu Pu Lalnundika chuan Special Summary Revision of Electoral Rolls chungchang sawiin Election Commission of India (ECI)-in ruahmanna a siam angin Integrated Draft Electoral Roll chu 15/10/2019 (Tuesday) ah tlangzarh tum a ni a. Hming thunluh, paih, vote neihna insawn etc te chu form hrang hrang heng Form 6,7,8,8(A) te hmangin bialtu BLO te hnenah 15/10/2019 (Tuesday) atanga 30/11/2019 (Saturday) thleng hian dilna a thehluh theih dawn a. 01/01/2020 leh 15/01/2020 inkarah Final Electoral Roll tlangzarh a ni dawn a ni. Kum danga lo tih thin tawh angin Lunglei District huam chhunga Booth Level Officer ten an area chhung theuh tlawh chhuakin House to House Field Verification September thla chhung hian an nei dawn a ni. Special Summary Revision of Photo Electoral Rolls ah hian Qualifying date-ah 01.01.2020 hman a ni.

Vawiin meeting-ah hian Booth Level Officer (BLO) hrang hrang hnen atanga report dawn angin Polling Station atana hman mek, a Building tha tawk lo, Building tha zawka sawn, pan harsa te panna awlsam zawka sawn chungchang te Committee chuan a ngaihtuah bawk a.33/15 – Vaisam, 31/20 – Electric Veng III leh 30/16 Pukpui I sawnna hmun tur te a hmunah enfiah leh ni se tih Committee chuan a rel a. Tin, Rationalisation of Polling Station (Polling station then) tura dilna lut hengte - Zohnuai, Chanmari II, Phairuangchhuah, Kauchhuah, Lamthai, Bindasora te pawh ERO hova enfiah leh ni se tih Committee chuan a rel. Meeting ah hian EC hmalakna thar Electors Verification Programme (EVP) kalpui dan tur pawh sawiho a ni bawk.