2261/2024-2025

2024 Mimkut thla ni 27: Lunglei District mipuite'n boruak ralmuang tak hnuaiah kum 2024 Diwali leh Krismas leh kum 2025 Kumthar an hman theih nan boruak thianghlim lo leh bengchheng siam thei chi, kum upa lam, tar chak lo, damlo leh nausen tana harsatna tam tak thlen thei halmawi leh halpuah, kangmei tichhuak palh thei khawnvar thlawk thei (sky lantern) leh plastic mu kap chhuak thei chi silai lem te khap ṭula hriat a nih avangin, vawiin, September ni 27, 2024 khan Lunglei District Magistrate Pu R. Lalṭhazuala chuan Section 163 of Bharatiya Nagarik Suraksha Sanhita (BNSS), 2023 tlawh chhanin hunpui hrang hrang lo thleng turah Lunglei District mipuite an him tlan zawk theih nan a hnuaia mi ang hian thupek a chhuah:

"Lunglei District chhungah halpuah, halmawi, sky lantern leh silai lem (plastic mu kap chhuak thei chi) te lak luh, zawrh, hralh, hal leh hman khap tlat a ni.

"He thupek hian chhuah a nih aṭanga ni 60 (sawmruk) chhung a huam ang a, thupek zawm lote chu Section 223, Bharatiya Nyaya Sanhita (BNS), 2023 hmangin hrem theih an ni."

Attachment

  • Loading attachment...