2616/2024-2025
2024 Khuangchawi thla ni 21: Lunglei District Magistrate Pu R. Lalṭhazuala chuan October ni 18, 2024 khan a hnuaia mi ang hian 'Hriattirna' a chhuah.
"Home Department, Govt of Mizoram lehkha No. A-13011/5/2024-HMP dt. 13.06.2024 thuchhuakin a tar lan angin mimal leh pawl ṭhenkhatin Mizoram chhunga lirthei lo lutte hnen aṭangin pawisa an lo laksak ṭhin tih hriat a ni a. Heti anga State sawrkar remtihna lo leh danin a phut vang ni lova pawisa lo khawn hi Mizoram Sawrkar chuan a ngai thu tak hle a ni.
"Chu vangin, Lunglei District chhunga state dang lirthei lo lutte aṭanga dan lova pawisa lo laksak hi khap tlat a ni a, pawisa lo khawn/laksak ṭhin an awm a nih paw'n titawp tura hriattir nghal an ni. Heti ang ti luite chu Section 308, Bharatiya Nyaya Sanhita, 2023 hmangin an chungah hremna lek kawh theih a ni."
Attachment
- Loading attachment...
