2617/2024-2025
Khawzawl, dated 21st October, 2024: Khawzawl Bawrhsap, Pu K. Vanlalthiana chuan kuhva tawlh ruk chungchangah hetiang hian thuchhuah a siam:
ORDER
Khawzawl District chhungah kuhva rah tawlh ruk, dan lova phurh luh a lo tawp theih nan thupek hmanhmawh taka chhuah a tulin ka hria a.
Chuvangin, kei, K.VANLALTHIANA, DISTRICT MAGISTRATE, KHAWZAWL DISTRICT chuan Bharatiya Nagarik Suraksha Sangita (BNSS), 2023 Section 163-nain thuneihna min pek angin, Khawzawl District chhunga hman turin, a hnuaia mi ang hian khapna thupek ka chhuah e.
1. Khawzawl District chhungah kuhva rah tawlh ruk dan lova phurh luh khap tlat a ni.
2. Khawzawl District chhungah kuhva rah tawlh ruk dan lova phurtute hnen atangin danin a phut ang ni lo pawisa lak khap tlat a ni.
3. Khawzawl District chhungah kuhva rah tawlh ruk dah khawina tur Kudam sak khap tlat a ni.
He khapna thupek zawm lote chu Bharatiya Nagarik Suraksha Sangita (BNSS), 2023, Section 223 hmang leh a kaihhnawih dan dinglai hmanga hrem theih an ni ang.
He thupek hi tihdanglam a nih loh chuan thupek chhuah ni atanga thla hnih chhung a huam ang.
He thupek hi vawiin August Ni 14, 2024 hian District Magistrate Seal-a nemnghetin ka hming ka ziah hnan e.
