Lunglei District Media Certification & Monitoring Committee (MCMC) chuan nimin atang khan ngawrh takin hna an thawk tan tawh a, vawiin pawh khan MCMC member-te chuan MCMC Office-ah thukhawmin press/electronic/social media-a chhuah tur lem/thla/thu bakah chhuak tawhte endik/bihchian hna an thawk zawm zel a ni.

Kumin inthlanah Election Commission chuan candidate mimal tupawh leh political party engpawhin mahni infakna uchuak emaw midang sawichhiatna duhawm lo tak tak, thu-in emaw lem/thlalak hmanga chhuah a phalh loh avangin MCMC chuan print/electronic/social media hrang hrangte chu uluk takin an thlithlai reng a. Candidate mimal emaw political party emaw ten electronic media (a bik takin cable TV) hmanga thu/lem chhuah tur chuan MCMC hnen atangin phalhna (Certification) a la phawt tur a ni.

MCMC hnen atanga approval/certification dil duhte tan Election Commission-in a duan sa application form hmanga dil tur a ni a, form hi engtiklai pawhin Election Office leh MCMC Cell-ah lak theih a ni. Hrechiang duhte tan MCMC hi office hunchhungin heng telephone nos.-ah biak theih an ni : 0372-2323670 leh 2323671.