Lunglei District huam chhunga My Project, My NEDP- Mipui Mamawh Intawm Ruahmanna (MiMIR)’ Project intihsiakna kal zelah nimin leh vawiin (30th & 31st July, 2018) khan Lunglei DC Conference Hall-ah Project Concept Paper tha thlanchhuah 19 ten District MiMIR Committee hmaah Presentation hmangin an Project sawifiahna hun an nei a. Hengte hi MiMIR Criteria hmanga endik an nih hnuah Cherhlun khaw Project siam Implementation of 50Kw Solar Power Plant tih chu Lunglei District MiMIR Project pakhatna atan thlan a ni.

Lunglei District MiMIR Project siam inelna-ah hian khua/veng Joint Committee 34 ten MiMIR Project Concept Paper an thehlut a. 25th July, 2018 khan District MiMIR Committee chuan heng Concept Paper te hi criteria hrang hrang hmanga endikin Project tha zual  19 an thlang chhuak a. Project Concept Paper thazual 19 thlanchhuahte Khua/ Veng leh an Project hming te chu a hnuaia tarlan ang hi a ni.

1.      Sekhum –                    Construction of Multipurpose Community Hall
2.      Haulawng -                  Renovation of Existing Water Supply Scheme
3.      Theiriat -                     Improvement of Theiriat Water Supply Scheme
4.      Rahsiveng -                 50KVA Solar Plant
5.      Bazar Veng -               Construction of Multi Utility Building
6.      Electric Veng -            Creation of Mizo Typical Village & Eco Tourism Hotspot
7.      Venglai -                      Construction of Multi-Utility Building
8.      Hmuntlang -                Hmuntlang Sekibuhchhuak Project (Agriculture)
9.      Vanhne-                       Kangfim Zau Eizawnna Ngelnghet siam tura Hmalakna
10.  Aithur -                        Aithur to Chhimtuipui Road
11.  Mualthuam N-            Creation of Typical Village
12.  Cherhlun -                   Implementation of 50Kw Solar Power Plant
13.  Tlabung -                     300Kw Solar Park
14.  Bunghmun-                 Replacement of Gravity Main Line
15.  Buarpui -                     Tuithur Project
16.  Thehlep -                     Food Farming, Fish Farming, Fruit Farming & Organic Farming
17.  Thangte-                      Animal Village
18.  Bualpui V-                   Water Supply Scheme (Solar Pump)
19.  Zobawk S-                   Door to Door Garbage Collection

Heng Project Concept paper te hi District MiMIR Committee member te chuan tehfung hrang hrang heng khawtualina project an hman tangkai theih dante, project hlawmkhat a nih leh nih lohte, hmasawnna a thlen theih dante, inhlawhfakna kawngah kawngro a sut theih dan turte, a enkawl zuina tur sensote, hmasawnna ngelnghet siam leh ram awmsa neih a ni em tih te a tel a ni. Pakhatna awmman dawngtu Cherhlun khua chu an Project in a kaihhnawih sawrkar department ten Detailed Project Report mumal zawk an siam sak leh ang a, hnathawhna tur Rs. Nuai 100 an dawng dawn a ni.