3440/2022-2023
Lunglei District mipuite kangmei laka him nan Pi Ramdinliani, District Magistrate, Lunglei District chuan 1st February,2023 khan ahnuai a mi ang hian khapna thupek a chhuah.
Khua a lo thalin mitinte kangmei lakah kan fimkhur a ngai hle a. Mihring, in leh bungrua, ramngaw leh nungchate kang mei laka kan him tlan nan khapna thupek chhuah hi a tulin ka hria a.
Chuvangin, kei, RAMDINLIANI, DISTRICT MAGISTRATE, LUNGLEI DISTRICT, MIZORAM chuan, Section 144 CrPC, 1973 (2 of 1974) in thuneihna min pek hmangin a hnuaia mi ang hian khapna thupek ka chhuah e:
1. Mi tumahin March ni 15, 2023 hnu lamah lo/ huan leh leipui an hal tur a ni lo.
2. Mi tumahin meilam tha tawk tak sial hmasa lo chuan lo/ huan leh leipui an hal tur a ni lo.
3. Mi tumahin ramhnuaia an meichhem timit lovin an kalsan tur a ni lo.
4. Khawi khua pawh an ramchhunga March ní 15, 2023 hnu lama lo/huan leh leipui hal an awm a, an report loh chuan an chungah action lak a ni ang.
He thupek hian 1st February, 2023 atanga thu leh awm hma chu hman a nih atanga thla 2 (hnih) chhung a huam ang a. He thupek zawm lote chu Sec. 188 of 1.P.C. hmanga hrem theih an ni ang.
He thupek hi 1st February, 2023 hian Court Seal chhu-a nemnghetin ka hming ka ziah hnan e.
