3525/2022-2023
Lunglei District mipuite kangmei laka him nan Pi Ramdinliani, District Magistrate, Lunglei District chuan 8th February, 2023 khan ahnuai a mi ang hian khapna thupek a chhuah.
State Level Sub-Committee on Fire Prevention, Mizoram thurel vide Memo No.B.25020/5/2020-PCCF(G) dt. 18.01.2023 bawhzui nan leh, kangmei laka mihring, nungcha leh ramngaw te kan lo him tlan theih nan khapna thupek chhuah tulin ka hria a;
Chuvangin, kei, RAMDINLIANI, DISTRICT MAGISTRATE, LUNGLEI DISTRICT, MIZORAM chuan, Section 144 CrPC, 1973 (2 of 1974) in thuneihna min pek hmangin a hnuaia mi ang hian khapna thupek ka chhuah e:
"Kangmei chhuah awlsam hunlaiin Lunglei District huam chhungah silai nei te'n ram lama silai ken chhuah loh tur a ni."
He thupek hian vawiin February ni 8, 2023 atanga thla 2 (hnih) chhung emaw, thu leh awm hma emaw, hman a rei lo zawk zawk a huam ang a.
He thupek zawm lote chu Sec. 188 of IPC hmanga hrem theih an ni ang.
He thupek hi February ni 8, 2023 hian Court Seal-a nemnghetin ka hming ka ziah hnan e.
