Vawiin khan MZP Hqrs. Lunglei buatsaihin Lunglei Dist. chhunga MZU leh NEHU atanga Master Degree top 10 te chawimawina neih a ni.

He hun hi Lalrammuanawma, Vice President MZP Hqrs. Lungleiin kaihruaiin Khuallian Pu S. Laldingliana, Vice Chairman HPC , Lunglei chuan zirna ah chhimlam hi kan tlahniam hle a, hetih lai hian Mizoram University leh North Eastern Hill University atangin Master Dergee Top 10 ah mi 18 lai an langpha chu a lawmawm hle a ni a ti. MZP Hqrs. Lunglei chuan an tihtur dik tak an tih avangin lawmthu a sawi a, chhimlamah thluak a awm kan ti thin a chhimlam atangin mi ropui tak tak an chhuak a, amaherawh chu thangthar te ah hian IAS, MCS etc. kal chhuak tur te thachhangdawltu kan nei lovang tih hi a hlauhawm hle a ni tiin University-ah Top 10 lang thei chuan UPSC exam-a lang thei tura inbuatsaih turin a fuih bawk, Mizo te hian zirna hi number-1 ah kan dah thin lova, kan kal pah thin avangin kan nih tur ang kan ni thei lo a, hei vang hian nu leh Pa te pawhin kan fate kawng dik kan kawhhmuh a ngai a ni a ti. Pu S. Laldingliana hian zirlai ti thate chu chawimawina thuziak leh Diar a hlan a ni. He hun ah hian Benjamin Vanlalfela President, MZP Hqrs. Lunglei pawh in fuihna thu a sawi bawk.