Vawiin chawhma khan Pu.C.Lalthanmawia, MPS, Superintendent of Police, Lunglei District, Lunglei kaihhruaina in SP's Conference Hall, Lunglei ah Lunglei District Police Crime Review Meeting neih a ni.

He meeting ah hian Addl.SP, Lunglei, DY.SP(Hqrs), Lunglei District chhunga SDPO zawng zawng te leh Lunglei District chhunga O.C zawng zawng te leh Lunglei Police Station a case investgating officer zawng zawng te an tel a ni. He Crime Review Meeting ah hian kum kalta a thubuai ziah luh leh kumin January - May chhunga thubuai ziah luh zawng zawng te leh Dan leh Thupek kenkawh dan te ngun tak a thlir ho a ni. Kum hmasa 2017 January - May chhunga thubuai ziah luh nen khaikhin in kumin 2018, January - May ah hian Crime rate a sang zawk a, Case 30 in a tam a ni. Tin, Unnatural Death case hi tun kumah 20 a awm tawh bawk. He meeting-ah hian Lunglei District chhunga case pending te thlirho a ni a. Dan leh Thupek tha tak a ken kawh niin boruak a muanawm hle tih tarlan a ni bawk.

Nikum 2017 January - May a IPC leh Special and Local Laws hnuai a case registered zawng zawng chu 94 ni in, kumin 2018 January - May ah thung chuan case registered zawng zawng chu 124 a ni. Nikum leh kumin January - May chhung in Lunglei District chhung ah hian case conviction rate a tha thawkhat hle a. Hei hi Lunglei Police te leh Court a hnathawktute leh mipuite tawiawmna leh inpekna rah a ni a, a lawmawm hle a ni. SDPO, O.C leh Case I/O te chu tun aia nasa lehzual a thawkrim tur leh Dan leh Thupek kenkawhna chungchang ah theihtawp chhuah zel tura infuihtharna neih a ni bawk.

Tin, January - May 2018 inkar hian Heroin no.4 grams 438.6, Ganja 2.185 Kgs, whiskey um 16 leh rum um 16 man a ni tawh bawk. Tun 1st Jan - 25th June thla thleng Lunglei District a case register tawh zawng zawng chu 139 a ni. Tin, MLPC Act bawhchhia zurui buaina siam/khawtlang/chhungkua tana hnawksak kumin 1st Jan - 25th June chhung a case siamsak zawng zawng chu 145 a ni a, hemi kaihhnawih ah hian mihring 212 man an ni a, convict vek an ni. Tin, hemi bak ah hian Mizoram Police Act 2011 dan hmangin Police in khawtlang tan leh chhungkua leh midang tan a bengchheng leh buaina siam case 76 register ni in, hemi kaihhnawih ah hian mihring 111 man an ni a, convict vek an ni bawk.

Jan - May 2018 chhunga Traffic dan bawhchhiate hnen atanga sum hmuh zat chu Rs.3,32,950/- lai a ni.

Attachment

  • Loading attachment...