Vawin chawhnu dar 1:00 khan DC’s Conference Hall Lunglei ah Pu V.Sapchhunga, IAS, DC, Lunglei kaihhruaina in Lunglei District Prohibition Committee an thukhawm.
DC chuan kum hmasa lama District Prohibition hmalak tawhna te chu tha tiin lawmawm a tih thu sawiin, State Prohibition Committee thuchhuak te member kalkhawm te hnenah hriattirna a nei nghal a ni. Lunglei Bawrhsap kaihhruaina hnuai a District Prohibition thukhawm chuan mipuiten hlim tak leh thlamuang taka Christmas leh kumthar an hman theih nan sawrkar leh NGO’s te hmalakna theihtawpa tawiawm turin a ngen a ni. Mipui ten Christmas leh kumthar thlamuang taka an hman theih nan chaktaka hma la turin Protection Squad Group 3 din nise, Lunglei South, Lunglei North leh Lunglei West ah te an fangkual thin dawn a ni.
Pu F.Lalhminga, Secretary Lunglei Dist. Prohibition Committee leh Superentendent of Execise ni bawk chuan kum hmasa lama hmalak te report a pe bawk a ni.
