Kum dang ang bawkin kuminah pawh District Level PYKKA Sports neih a ni a, Lunglei District PYKKA Sports inelna chu Mizoram State Sports Council-in a ruat lawk angin 22-24 October, 2013 chhung khan Lunglei-ah neih a ni. PYYKA Sports Competition-ah hian Sports Disciplines 10 - Athletics, Badminton, Boxing, Football, Hockey, Judo, Table Tennis, Taekwondo, Weightlifting leh Wrestling ah te inelna buatsaih a ni a, heng Disciplines tinte hi mipa leh hmeichhia kum 16 hnuailam tan tih a ni.
Lunglei Dist. Level PYKKA Sports ah hian RD Block 4 - Bunghmun, Hnahthial, Lungsen, Lunglei atangin infiammi mipa 227 leh hmeichhia 80, an vaiin infiammi/Officials 307 an rawn tel a ni. He Competition buatsaih na atan hian MSSC atangin hetiang hian dawn a ni bawk.
1) Competition Grant : Rs. 2,00,000/-
2) Prize Money : Rs. 72,000/-
TOTAL : Rs. 2,72,000/-
He sum dawn hi renchem thei ang berin hman a ni a, a bang la awm atang hian District Level PYKKA Sports Competition a titha te hi State Level PYKKA Competition-ah an tel theihna tura senso tul atan hman a ni ang. State Level PYKKA Competition Group I - Football, Boxing, Hockey - chu ni 30 October -1 November 2013 chhungin Aizawl-ah a awm dawn a. Group II - Athletics, Badminton, Judo, Weightlifting, Table Tennis, Wrestling, Taekwondo - chu ni 5-6 November 2013 chhungin Aizawl-ah neih a ni ve thung dawn a ni.
He District Level PYKKA Competition-ah hian a pumpui thuah Lunglei R.D Block chu Pakhatna an ni a, Lungsen R.D Block chu Pahnihna niin Bunghmun RD Block chu Pathumna an ni a. Lungsen RD Block chu Pali-na an ni bawk. Team lawmman 1st atanga 3rd te hian Trophy leh Citation an dawng a, pawisa fai erawh chu Paticipants te kutah hlan a ni.
