3043/2022-2023
Lunglei the 14th, December' 2022: Vawiin khan Convention Centre, Lungleiah Annual Training for Registrar of Births & Deaths under Lunglei District chu Pu Donny Lalruatsanga, Addl. Deputy Commissioner, Lunglei in a hmanpui.

Training hi Pu TC. Zonunsanga, District Research Officer, Lunglei chuan kaihruaiin Pu Donny Lalruatsanga, Addl. Deputy Commissioner, Lunglei chuan Registrar of Births & Deaths(RBD) training Covid avanga kum 2 kan neih tawh loh hnuah neih leh theih a ni chu lawmawm a ti a, RBD te hnathawh hi a pawimawh hle a, sawrkar tan a pawimawh telh telh dawn a ni a ti. Births Certificate pawimawh zia sawiin India khua leh tui diktak te hriat hranna a nih piah lamah Electoral Roll a inthunluhna pawimawh tak a ni a ti a. Births Certificate pekchhuah kawngah fimkhur a ngai a, hei hian Mizoram mai nilo India sorkar thleng a nghawng a ni a ti. Khua leh tui ten sorkar atanga hamthatna a dawn dawn a finfiah na ngai hmasaber chu India khua leh tui nihna Birth Certificate a ni a ti a, chuvangin RBD te mawhphurna hi a sang hle a, tunlai raltlan tamlai hian sorkar dan kalh a khua leh tui nihna pek palh a hlauh thu sawiin RBD hnathawh hi a sensitive hle tih hria a fimkhur tak leh uluk taka thawk theuh turin RBD kalkhawm te a chah bawk a ni.

Pu C. Lalhmangaiha, Inspector, DRO office, Lunglei chu resource person niin RBD training hi pe in, zawhna leh chhanna hun hman nghal a ni bawk.