Vawiin khan Pi Lalzarmawii, IAS Deputy Commissioner, Lunglei office chamber-ah Lunglei District Road Safety Committee thutkhawmna neih a ni. 

Committee ah hian Mizoram Transport Minister kaihhruaina hnuaiah road accident tih tlem nan State Road Safety Council din a ni a, hemi in a tum ber chu kum tin a Road accident tam lutuk tih tlem a ni a, chumi atan chuan State Road Safety Policy duan a ni tih tarlan a ni a. Kum 2020 hmain Road accident 50 % a tlak hniam theih nan hmalak tum a ni a, he hmalakna ti hlawhtling tur hian Transport department, Police bakah YMA leh Village Council te nena tan ho a, Veng tina lirthei awm zat survey neih nise, Traffic Dan te sikul naupang leh mipuite hnenah zirtir nise, Auto Rickshaw neitute ko khawm in traffic awareness pek nise, Driver-te hnenah Dan leh Hrai te hrilhfiahna neih nise tih rel a ni.

Lunglei traffic tawt lutuk zia awm theih nan Lunglei Town Road Protection Squad in kawngpui dunga insakna bungrua bakah motor dah phal lohna a dah te endik turin ruahmanna siam a ni bawk. Motor document leh Driving License uluk zawk a enfiah nise, hei hian motor accident, traffic jam leh khawpui tawt a tih ziaawm theih beisei a ni. Transport department in ni 10th October 2017 thleng tax pe lo te tan interest awm lovin pek theihna hun a siam sak tih tarlan a ni bawk.