Vawiin chawhnu dar 1:00 PM khan Pu V. Sapchhunga IAS, DC leh District Election Officer ni bawk kaihruaina in Lunglei Circuit House Conference Hall ah Lunglei District Roll Revision Hearing neih a ni. He hun hi Pu P. Lalchhuanga IAS, Observer Lunglei District in a hmanpui a ni.

DEO chuan EROs,AEROs,BLOs,NGOs leh Political Party te Roll Revision Hearing a an rawn tel avan gin lawmthu a sawi a. Inthlan kum te a nih avangin uluk leh felfai takin Roll Revision hi neih a ni a. Khua leh tui mi roll a chuanglo an tam a, January 2013 a kum 18 tling behchhan nei te chu roll a thun luh an ni a, behchhan neilo te chu hnawl an ni. Roll a thun luh, paih leh insawn dil te chu uluk taka en an nih hnuin tihsak an ni.

Pu P. Lalchhuanga IAS, Election Observer, Lunglei District chuan thu sawiin Democracy ramah chuan mipui te kan lala, inthlanna felfai tak kan neih theih nan kan pawimawh hle a ni. Official kalsual te kai ngil thei tu chu party leh NGOs kan ni ti i hria ang u a ti. BLOs, AEROs leh EROs te fellohna ah finchhuah turin a chah bawk. Mipui aiawhtu, Roreltu thlanna ah kan tan tlan a pawimawh a, party leh NGO’s te tawiawmna a ngen bawk. Roll revision Hearing hi sawiselna a awm loh avangin tha a tih thu a sawi.

Lunglei District Constuency pasarih a ,EROs leh AEROs ten roll revision hearing neih dan tlangpui an sawi a,Sakhuana avanga roll revision - a tel duhlo mi engemawzat an awm bawk a ni. Lunglei District chhunga roll a thun luh dil chu mi 3966 an ni a,roll atanga paih dil chu mi 1271 an ni a. Hming leh Veng tih dikna chu mi 649 leh constuency thlak dilte chu mi 484 an ni. Roll Revision final Hearing hi 16.8.2013 ah neih a ni ang.

Vawiin Hearing ah hian official, MJA, NGOs leh Party tin aiawhte an kal tha hle.