Commissioner & Secretary, School Education Department chuan a hnuai mi ang hian thuchhuah a siam.

“Govt. Aided School ten an sikul sawrkarin a lak (Provincialise) turin an nawr mek a. Chuta tan chuan vaukhannate pawh chanchinbuah te hmuh a ni.

Sawrkar hian zirlaite tana tha ber tur ni a a ngaih policy nghet taka kalpui a nei a. Mizoram chhungah sikul hrang hrang te HSLC/HSSLC result atangte in a thlir thin a. Tun a a lan danah hi chuan sawrkar sikul aiin sawrkar lo sikul hi a ti tha zawk an ni em aw tiin ngaihdan a siam theih a. Zirtirtuah te pawh hian sawrkar leh sawrkar lo sikul a thawkte inpekna thlir chuan sawrkar ni lo, kohhran, mimal leh pawlho sikul te hi naupangte zirna atana kan thlan zawkte an ni zawk mah pawhin a lang. Sawrkar sikul hi siam belh rih tawh lova, tuna kan neihte tihchangtlun zel leh anmahni zingah pawh school tha neih theih nana inelna thianghlirn an neih theihna kawng remruat zel hi Sawrkar tum dan a ni.

Chutihlai mekin Vanbawng khuaah headmaster an neih loh avanga lungawilohna lantir tumna a awm tihte sawrkarin ‘media’ atangin a lo hria a. Vanbawngah hian Govt High School, Govt. M/S - I, Govt. M/S - II, Govt. P/S - I leh Govt. P/S - II te an awm a. Headmaster nei lo vek an ni. Anni khua lo ah pawh hian headmaster indaihlohna hi a nasa em em a. Tunah hian H/S Headmaster - 53, M/S Headmaster - 68, P/S Headmaster - 280 promotion turte ruahman mek a ni a. Hengte hi a fel hunah chuan Headmaster hi a mamawh zual hnena pek tur a awm theiin a rinawm a. Chumi hma chuan nawrh vanga Headmaster in pek tur a awm chuangin a lang lo. Vanbawng khua hian an zirtirtu inpe leh tha tak tak te hi ringngamin naupangte tana harsatna siam lo turin sawrkar chuan a ngen a ni.”