Vawiin chawhma dar 1:30 khan Secretariat Conference Hall, New Capital Complex-ah All India Services Coordinator Committee (AISCC) te’n an member hmun danga chhuak tur thlahna hun an hmang.
He thlahna Inkhawm hi Pu K.Lal Nghinglova, IAS, Chairman, All India Services Coordination Committee, Mizoram in a kaihruaia, thlah tur te atangin Pu Kunal, IAS chuan thusawina hun hmangin Mizoram a a awm chhungin hmun hrang hrang a fan thu leh Mizoram boruak chu nuam a tih thu te NGO hruaitu, Kohhran hruaitute chu thawhpui nuam a tih thu leh Mizo mipuite hlim hmel pu reng chu hmuh nuam a tih thu leh an bul a awm nuam a tih thu a sawi bawk. Mizoram a a awm chhunga a thawhpui Officers te chu thawhpui nuam a tih thu te leh an thawhhona kawng hrang hrangah lawmthu a sawi bawk. Pi Suman Goyal, IPS leh Pu Ami Raj an, IFS te pawhin thu sawiin Mizoram an awm chhunga hna an thawh ve na-ah an thawhpuite chu thawhpui nuam an tih thu Mizoram boruak chu nuam an tih thu leh an hriat reng tur thu an sawi bawk.
All India Services Coordinator Committee (AISCC) te’n an member an thlah tak te chu Pu Kunal, IAS; Pi Suam Goyal, IPS leh Pu Ami Rajan, IFS te an ni a, thlahna thilpek Citation hlan an ni.
Pu Kunal, IAS leh Pi Suman Goyal, IPS te hi nupa niin hun engemaw ti chhung khan Saiha ah hian an nupa hian DC leh SP hna chelhin an lo awm tawh nghe nghe a ni.
He thlahna inkhawm ah hian member te’n an member pui hmun danga chhuak tur te chu an ui thu leh duhsakna an hlan thu an sawi bawk.
