Vawiin chawhma dar 11:00 khan Pu V. Sapchhunga IAS DC kaihhruaina in District Disaster Management Authority meeting DC Conference Hall-ah neih a ni a, chhiatrupna laka inven theih nan hmun hlauhawm leh him lo lai te enfiah in, report an thehlut dawn a ni.

Hemi bawhzui hian Lunglei town area chhung VC te hnenah an veng chhung hmun him lo leh chhe rup thei te report tur a tih an ni a. Report lo lut te chu District Disaster Management Authority te chuan ngaihtuahin sawrkar ram leh hmun te chu anmahni department in hmalak nise tih a ni. Mimal ram leh hmun te chu District Disaster Management Joint Verification Team ten enfiaha a tul anga hmalak nise tih a ni bawk. Doordarsan building chhiat mai hlauhawm thiat tura tih chu DDK Engineer leh District Disaster Mangement ten Joint Veririfiaction neih nise tih a ni bawk. Joint Verification Team te hian VC report dawn thenkhat te a hmunah kalin an enfiah nghal a ni.