Vawiin chawhnu khan Lunglei DC leh District Screening Committee Chairman charge la mek tu Pu K. Lalrohlua kaihhruaiin a pisaah PMAY-HFA (Urban) hnuaia Lunglei District Screening Committee-te an thukhawm. 

Committee chuan Beneficiary led Construction (BLC) hnuaia beneficiary mi 2666 awmna list chu a lo pawmpui tawh a. Sawrkar laipuiin 1st DPR-ah mi 2450 tan chauh insakna a sanction theih avangin mi 216-te chu telh ve an ni lo tih meeting ah hian tarlan a ni. Tun dinhmunah dilna 2450 atanga 2324-te chauh upload theih a nih avangin Committee chuan mi 216-te chu 1st DPR-a hmun ruak 126 la awm ah emaw 2nd DPR-ah tal an luh ve theih nan DUDO leh a Staff ten hma lo la se a ti a. Hei bakah hian Lunglei (2nd DPR), Hnahthial leh Tlabung atanga insak tanpuina dil, verification leh public hearing nei zo tawh te chu eligible applicant-ah a pawmpui bawk a ni. 

He meeting-ah hian Lunglei (2nd DPR) atanga mi 404, Hnahthial atanga mi 760 leh Tlabung atanga mi 596 te chu eligible applicant atan pawm an ni.