2369/2022-2023
Lunglei the 19th October, 2022: Vawiin khan DC Conference Hall, Lunglei ah Pu Kulothungan A, IAS, Deputy Commissioner leh Chairman, Lunglei District Sports Committee kaihhruaiin Lunglei District Sports Committee hruaitu thlan thar te inhmelhriatna leh mawhphurna hlanna hun hman a ni. He meeting ah hian a kaihhnawih Sorkar Official leh Sports Association hruaitu te an tel a ni.

Pu Kulothungan A, chuan Mizoram State Sports Council regulation 2022 zul zuiin Lunglei District Sports Committee hruaitu thar thlan a ni a, hruaitu thar thlan hnuah a vawikhatnan meeting neih a nih thu a sawi a. Lunglei District a infiamna leh infiam mite hmasawn zel turin sports dicipline hrang hrang association hruaitute thawhho leh hmalak puiah a sawm a ni. Mizoram State Sports Council atangin promotional fund cheng nuai 2.72 dawn anih thu a sawi bawk.

He hunah hian hruaitu thlan thar te inhmelhriatna leh mawhphurna hlanna neih a ni. Kum 2022-2024 chhunga Lunglei District Sports Committee hruaitu thlan te chu Sr. Vice Chairman, Vice Chairman leh Asst. Secretary te niin MSSC regulation 2022 zul zuiin LDSC Ex-Officio Chairman atan DC leh Secretary atan DS&YO, Lunglei te ruat an ni.

Kum 2022-2024 chhunga LDSC hruaitute chu -

1. Chairman - Pu Kulothungan A, IAS Deputy Commissioner, Lunglei.

2. Sr. Vice Chairman - Pu PC. Lalramnghaka, Sethlun, President, Lunglei District Football Association.

3. Vice Chairman - Pu P.C. Zuanthanga, Lunglawn, President, Tug of War.

4. Secretary- Pu C. Lalremsanga, District Sports & Youth Officer, Lunglei.

5. Asst. Secretary - Pi K. Lalhlimpuii, President, Lunglei District Hockey Association te an ni.