2368/2022-2023
Aizawl, the 19th October 2022 : Home Minister Pu Lalchamliana, Diasater Management & Rehabilitation changtu ni bawk chuan Assembly Annexe ah Disaster Management & Rehabilitation Department leh National Institute of Disaster Management, New Delhi te tangrual buatsaih ni 3 awh tur training Hmasawnna atana ruahmanna siam dawna chhiatrupna thleng palh theite hre tel a, tawrhna ti tlem zawnga chung thil te zirchian leh telh ‘Training of Trainers on Mainstreaming Disaster Risk Resilience Measures into Development Planning’ tih chu hawng.

Home Minister Pu Lalchamliana chuan Mizoram leh India rama chhiatrupna thleng thei hrang hrangte hre tel ranin hmasawnna atana hmalakna zawng zawngah chutiang ram ti derthawng leh zual tur te, leh chhiatrupna thleng thei tipunlun zawng lova tawrhna thlen theite vengthawng tak chunga ruahmanna kalpui a tul thu a sawi a. Hmasawnna tluan tling leh rotling nei tur chuan hmasawnna ruhrel bunna hmun thlan uluk leh fimkhur a ngaih thusawiin ram leh khawtlang inpuahchah tha chuan harsatna pawh lo thlengthut palha, an tawrh leh hloh a nep deuh a, lo hmachhawn dan an thiam a, nunphung pangngaia let leh te leh din khawchhuahna hun tha an neife zawk thin thute a sawi a ni.

Hemi programme hawnna ah hian Pi K Lalrinzuali, Secretary, DM& R chuan lokalte inlawmna thu a sawi a, Dr. Lalrokima Chenkual, Assistant Director, DM & R chuan lawmthu a sawi bawk.

He ni 3 chhung inzirtirna ah hian National Institute of Disaster Management, New Delhi atang a mithiam lo kalte leh Disaster Management & Rehabilitation mi ten zirtirna an pe dawn a. Mizoram Sawrkar Department hrang hrang 50 zet atangin officer rual an tel a ni.