Vawiin chawhma dar 11:00 khan SSA Mission Recreation Hall Lunglei-ah LAD Minister Pu Pc. Lalthanliana’n Computer Set 14 a sem.  Lunglei Dist. SSA mission DPC Pu R. Laldawngliana’n inkhawm hi a kaihruai a ni.

Khuallian Pu Pc. Lalthanliana chuan thu sawiin Lunglei Dist. hi School building sak leh neih ah Dist. dang aiin nasa taka hma an sawn avangin a lawmawm hle a ni a ti a, Computer khawvel ah kan cheng tawh a, Computer thiamlo chu a tunlai theihloh hle a, Computer khawvel a kan chenve theih na tur chuan school atanga bultan a ngaih thu a sawi a ni. School in a mamawh em em computer sem a ni thei hi kan sawrkar hian zirlai te hmakhua a ngaih vang a ni, a ti. Information Technology Minister Pu Zodintluanga hmalakna in ICT department hnuaiah hmun kilkhawr zawk a awmte tan office panbuai ngailovin Birth certificate leh lehkha pawimawh dangte awlsam zawka an lakchhuah theihna tur ‘Rural Information KIOSK’ engemawzat hawn tum anih thu a sawi. School naupang ten Computer an dawn te atakin hlawkpui se, chu chuan kan ram in hma nasa takin a sawn phah bawk dawn a ni, a ti.

Pu R. Laldawngliana, SSA mission DPC chuan report pein kum 2013 chhungin School 82 te hnenah Computer CAL (Computer Aided Learning) sem tur a ni a, tun tum ah hian Pu Pc. Lalthanliana hian a bial chhung School 14 te hnenah Computer Set 14 a sem a ni.