Mizoram Sawrkar chuan thuchhuah siamin, “Utilization of Waste Papers in Govt. Office” scheme hnuaia meeting-in a lo rel tawh bawhzui nan Aizawl khawpui chhunga Secretariat leh Directorate zawng zawng a lehkhachhia buaipui dan tur UD&PA Department kaltlangin a hnuai ami ang hian a siam.
Sawrkar Office reng rengin an lehkhachhe khawlte chu UD&PA in hemi atana a thlan bik Self Help Groups ni lo mimal emaw pawl engmah hnenah an hralh emaw an tiral tur a ni lo.
Heng Self Help Groups te hian a tul dan angin thla khatah vawi khat emaw a aia tam pawh an khawn khawm thin dawn a ni. Hemi atan hian UD&PA Department chuan lehkhachhe khawlna tur plastic bawm, label tarsa office tinah a hung dawn a ni.
