No.9/2021-2022

Lunglei the 1st, April 2021: Vawiin chawhnu khan Pu R. Vanrengpuia, Addl. Deputy Commissioner, Lunglei kaihhruaiin ama office chamber-ah thisen thlakchhamna (Anemia Mukt Bharat),IMI leh Family Planning QAC chungchang hmalak dan tur leh hmalak tawh te ngaihtuahhona neih a ni.

Pu R. Vanrengpuia chuan thisen thlakchhamna (Anemia) laka Mizoram mipuite kan fihlimna tura beihpui thlak ruahmanna Anemia Mukt Bharat hi Mizoram atanga umbo a nih theihnan Health & Family Welfare Department chauh hian a ti thei lova mipui te thawhhona tel lo chuan he programme hi a hlawhtling thei lo a ni a ti.

Dr. Lalrinthangi, Senior Medical Officer, Lunglei chuan Anemia Mukt Bharat hi September thla kum 2018-ah sorkar laipuiin a lo kalpui tawh a, Mizoramah chuan Covid-19 avangin kalpui theih a ni lova, he programme-in a tum ber chu kum 2022 ral hmaa naupang zinga Anemia vei a lo berah kumtin 3% a tihtlem te, tleirawl (kum 15-19), hmeichhia naupai hun (kum 15 - 49), raipuar leh nu nau hnute pe mek zinga Anemia vei kumtin 3% a tihhniam a ni. Mizo zingah thisen thlakchham Hb hniam hi kan tam em em a, hemi tihtlem na tur leh lo ven lawk dan tur sawiin, Health & Family Welfare , Social Welfare leh School Education Department te nena thawk ho a, Lunglei District chhunga naupang thla 6 atanga kum 19 inkar te hnena damdawi sem dantur leh pek dantur ruahmanna siam a ni. Dr. Lalrinthangi chuan IMI.3.0 Achievement 1st round 22nd, February, 2021 pek dan tarlangin naupang vaccine pek te Cherhlun PHC-ah target 28-ah 11 pek niin 39.29% a ni. Tlabung SDH-ah target 31-ah 31 pek niin 100% a ni a, raipuar 10 target-ah 10 te hnenah vaccine pek niin 100% a ni. IMI 3.0 2nd round 22nd March, 2021 ah Cherhlun PHC-ah naupang target 3-ah 3 vaccine pek niin 100% , Tlabung SDH-ah naupang 24 target-ah 24 te hnenah vaccine pek niin 100% leh raipuar target 6-ah raipuar 6 te hnenah vaccine pek niin 100% pek an ni. Covid-19 vaccine pek dan chungchang sawiin Health Care Worker 1st dose mi 1569, 2nd dose mi 1410, Frontline worker 1st dose mi 3894, 2nd dose 426 leh kum 45 - 60 1st dose mi 560 te hnenah pek an ni tawh a ni. Family planning avanga mipa leh hmeichhia insiam atanga ni 7 chhunga an boral chuan cheng nuai 2 an claim thei anga, ni 8 atanga ni 30 chhunga an boral chuan cheng sing 5 an claim thei bawk ang. Hmeichhia insiam tawh an rai leh chuan cheng sing 3 an claim theih bakah ni 60 chhung Damdawi Ina inenkawlna senso cheng 25000 aia tam lo an bill thei bawk a ni.