Vawiin chawhnu khan Lunglei District Superintendent of Police thar Pu J.Lalthafamkima, MPS in a vawikhat nan Lunglei tualchhung chanchinbu mite inhmelhriatna leh inkawmhona hun a hmanpui. He hunah hian Pu J.Lalthafamkima chuan Lunglei District chhunga hmalak a tum dan te chanchinbu mite a sawipui. 

SP chuan Lunglei District chhungah crime rate hniam mahse rukruk te a tam a, mipui ten mi thil zawrh an lei dawnin finfiah hmasa se a duh a, rukruk thil lo lei te hi a ru tu ang bawk a hrem theih an ni a, rukruk thil lei tute chu dan angin man zel an ni tawh anga, hei hi mipui ten fimkhur nan an hman phah anga case pawh a tlem phah a beisei  thu a sawi. 

POCSO Act ah case an nei leh zeuh zeuh chu pawi a tih thu sawiin, Human Rights Network leh Child Welfare Organization in zirtirna hrang hrang nen hma an lak thu media mi te a hrilh a. Naupang  kum tlinglo tih bawrhban a tlem theih nan print leh electronic media ten theihtawp a hmalakpui turin a sawm a ni. 

Hurt Case hi Lunglei ah chuan case ti tam tu a nih thu Pu J.Lalthafamkima chuan media mi te a hrilh a. Theft leh Bulgary a tlem zawk nan a rang zawka pawi khawihna hmun thlen zung zung theih nan City Police Patrol motor pahnih chhim leh hmar lam vil tura ruahmanna siam tum a ni, a ti. Lunglei town chhung leh Police Station, Beat Post leh Out Post awmna hmunah chuan darkar tling lovah action lak theih nan ruahmanna siam a nih thu a sawi bawk. 

Traffic dan bawhchhia an tam thu sawiin, man leh fine chawi tir chu police department thil tum ber a ni lo a, kawngpui hmang tute him zawk nan leh accident lak a mipuite an fihlim chu an ngaih pawimawh thu a sawi a. Hemi kawngah media mi te thawhpuiah a sawm nghal bawk a ni. Lunglei  Police Station tih changtlun leh chei nan PHQ ah Rs 11,27800 estimate thehluh a ni a sanction a awm thuai a beisei thu a sawi bawk. 

Chanchinbu mite pawhin hmalakpui a ngaih na ah puih an in huam thu sawiin, chanchinbu kaltlang a puanzar a ngaih na ah mipuite hriat tura puanzar an inhuam thu an sawi bawk a ni. 

Nikum 2016 khan POCSO Act ah case register 19 awm in, kumin 2017 ah chuan 8 a awm, Dt1.1.2017 atanga Dt 31.1.2017 chhung in Theft ah case 44 register a ni a Bulgary ah 28 a awm a ni. 

Vawiin a SP in chanchinbu mite a kawmna ah hian Addl, SP Pu.J.Lalmuankima leh  SDPO, Pu Zonunthara ten an telpui a ni.